إنتظرته حبيبي

إنتظـرتــه وقلبـي إحساسـه يقــول صـوت خلي اليوم ما أظن أسمعــه

الخبـر عنـدي وغـيـبـتـه بتـطـــول وقتـي مـن اليـوم حسابه باجمعــه

ضـاق بـي صدري وأدوّر لـه حـلـول فـي ضميـري نـار شوقـي مولعــه

عشـت فـي دنيـا أدور بهـا وأجــول عشت فيها بضيـق وعايشت السعـه

ما لقيـت اللي علـى دربي صمـول كـود بعـض النـاس وقتــه يمنعـــه

روضتـي جفّـت وأنـا خلـي سيــول مبعـــدٍ عنـي وقلبــي يـتـبـعــــه

طبعه اللي يوصف بالطبع الحنون بيــن كــل النــاس عنـدي أرفعـــه

الغـريـب انني أسـولـف لـه وأقـول عن هـوى نفسـي كلامـي أقـنـعـــه

ما يـلام الذى مثـل حالــي يـنـول لـو قضـى ليله يســاهر مدمعــه

لي على الغـالي وشوفـاتـه ميــول زود شوقـي له غرامـي أصنعــه

إذا حدثت لي شوفتـه همي يـزول وقتهـا أنسـى البشر وأجلـس معــه

أذكـر إني بغـيـبـتـه دايـم أقـــول هـو حيـاة القلـب هـو لـه مطمعــه

فرحتـي حبيبي بيــوم الوصــول فـرح لـقـلـبـي بهــــمٍّ ودّعــــــه